Video Gallery

#vasudevsangeetsabha #dattaguru मार्गदर्शन व संकल्पना -आदरणीय श्री. अजित कृष्ण तुकदेव. अल्बम - वासुदेव अत्रिपदी. गायिका- सौ कल्याणी कुळकर्णी. व्हायोलिन- श्री .शिरीष भालेराव. बासरी -श्री अरविंद उपाध्ये. रेकॉर्डिंग -मधुरिका स्टुडिओज. रेकॉर्डिंस्ट. -श्री चारुदत्त जिचकार. नागपूर. वासुदेव संगीत सभा, वेद वासुदेव प्रतिष्ठान, पुणे
श्रीमद् वासुदेव ध्यानी ||
वासुदेव संगीत सभा, वेद वासुदेव प्रतिष्ठान, पुणे
पावनी गंगा। सुभगा। पावनी गंगा ।।
||मलप्रभेची आरती|| रचना -प.प.श्रीमद् वासुदेवानंद सरस्वती स्वामी महाराज यांची. संकल्पना व मार्गदर्शन - आदरणीय श्री. अजित कृष्ण तुकदेव. संगीत -कु. रेणुका धनंजय भृगुवार. संगीतकार - श्री श्रीकांत पिसे .नागपूर. स्वर - सौ. रसिका आमलेकर बावडेकर. -सौ. कल्याणी आमलेकर कुळकर्णी. तबला -डॉक्टर श्री. देवेंद्रजी यादव . बासरी - श्री अरविंद उपाध्ये .नागपूर रेकॉर्डिंग स्टुडिओ -साऊंड बेस्ट स्टुडिओ श्री नहुश बडगे. नागपूर प.प. श्रीमद् वासुदेवानंद सरस्वती स्वामीमहाराज विरचित ही मलप्रभेची आरती. या आरतीच्या निमित्ताने श्रीमद् स्वामींच्या जीवीचे जे 'आर्त' प्रकटले - ते जाणायला व व्यक्त करायला - जाणू व व्यक्त करू इच्छिणाऱ्यांनी त्याच अत्युच्च जाणिवेचा ध्यास धरावा. ही आरती - लोकोत्तर माता - पुत्रांचा अत्युच्च जाणिवेच्या पातळीवरून घडलेला अलौकिक असा संवाद होय. भव म्हणजे जन्म-मृत्यूच्या जीवघेण्या अग्नीने जीव होरपळून गेला असता - अविद्येच्या प्रभावाने स्वतःच्या आनंदस्वरूपाचे विस्मरण होऊन विषयसुखाच्या खटपटीत व्यर्थ राग - द्वेषामध्ये गुरफटून गेला असता - साक्षात् काळभयाने ग्रस्त होऊन, भय खेद व भेदाने त्रासलेला असता, त्याची मनःस्थिती समजून त्याला जवळ घेत साक्षात् अभय देणे एका आईवाचून कुणाला शक्य आहे? शतयोजन अंतरावरूनच केवळ आर्त हाक मारली असताही जीवांचे क्लेश, पाप व तापांचे हरण करून त्यांना शिवसायुज्य प्रदान करते - असा जिचा महिमा आहे - त्या गंगेला मुळातच शरण गेल्यावर - तिच्या जलस्नान व जलपानाने जीव उद्धरुन का जाणार नाहीत? हे आर्त - साऱ्या जगाच्या पाप व तापांचे शमन करणाऱ्या गंगेला - चराचरसृष्टीतील दाह शमविण्यासाठी - वात्सल्याच्या तीव्र ओढीने श्रीमद् स्वामींनी घातलेली साद - साधकाला दत्तभजन व चित्तशोधनाचे मर्म उकलून देत त्यानिमित्ताने साक्षात् कालचक्र भेदून कैवल्यपदाने भूषविती झाली. या आरतीच्या निमित्ताने व्यक्त झालेला हा संवाद म्हणजे मुळातच कालातीत, शाश्वत आणि निरंजन सत्याच्या अव्यक्त आशय गर्भित करणारा होय. या संवादाचे मर्म जाणून अनुसंधानाच्या निमित्ताने जोपासले असता साधकाला अत्युच्च अवस्थेची प्राप्ती होते यात शंका नाही. 'अवधूत चिंतन श्रीगुरुदेव दत्त' वासुदेव संगीत सभा ,श्री वेद वासुदेव प्रतिष्ठान, पुणे
मलप्रभेची आरती | Maa Ganga Aarti |प.प. श्रीमद् वासुदेवानंदसरस्वती स्वामीमहाराज विरचित मलप्रभेची आरती
#vasudevsangeetsabha #gangapur #dattatreya #gurumaharaj #stotram #dattatreya मार्गदर्शन आणि संकल्पना. श्री अजित कृष्ण तुकदेव. गायन - सौ रसिका बावडेकर, सौ कल्याणी कुळकर्णी रेकॉर्डिंग - श्री. अजिंक्य श्रौती. संगीत संयोजन आणि मिक्सिंग - श्री. श्रीकांत पिसे. नागपूर. तबला- डॉक्टर देवेंद्र यादव. पखवाज -डॉक्टर देवेंद्र यादव. बासरी - श्री अरविंद उपाध्ये. सतार -श्री .अवनिंद्र शिवलीकर प.प. श्रीमद् वासुदेवानंद सरस्वती स्वामीमहाराज यांची ही रचना. ||अथ श्रीनृसिंहसरस्वतीस्तोत्रम् || || वेदनिवेदनि स्तोत्रम् || विजय तेऽज यते जयते यतेरिह तमो हतमोहतमो नमः ।। हदि कदाय पदाय सदा यदा तदुदयो न दयोनवियोनयः ।।१।। उदयतेऽनयतेर्न यतेर्यदा मनसि कामनिकामगतिस्तदा* ।। पदुदयो हृदयौकसि ते सिते भवति योऽवति योगिवराऽवरान् ।।२।। भवति भावभवोऽवभवो यदा भवति कामनिकामहतिस्तदा।। भवति मानवमानवदुत्तमे भवतिरोधिरतो विरतोत्तमे ।।३।। तव सतां वसतां मनसाऽनसा प्रपदयोः पदयोरजसांजसा ।। सुसहितः स हितस्तव तावता यदवतारवता जनताविता ।।४।। कृतफलं तु विहाय विहायसा सममजं भजतामज तामसात् ।। मिलति तारकमत्र कमत्रसत्पदरजो भ्रमहारि महारि सत् ।।५।। तदजरामर कोशविलक्षणं सदज धीगुणवेत्तृ कलक्षणम् ।। भुवनहेत्वघहृत्त्रिपुरादिकं तव न जातु पदं कुपुराधिकम् ।।६।। विविधभेदपरं सम दृश्यते त्रिविधवेदपरं कमदृश्य ते।। पदमिदं सदु चिद्घनमुद्धियासदनिदं प्रजहात्यघनुद्धिया ।।७।। अजनमोहनमोह नमो ह नः प्रिय नियोजय तेन यतेन ते ।। य इह वेदनिवेदनि वेद वेत्त्यजपदं जपदंतपदं पदम् ।।८।। इति श्रीमद् वासुदेवानंद सरस्वती स्वामीमहाराज विरचितं वेदनिवेदनिस्तोत्रम् सूचना - प.प.श्रीमद् वासुदेवानंद सरस्वती स्वामीमहाराज यांच्या स्तोत्रसंग्रहातील नवीन प्रतीच्या मुद्रणातील काही अशुद्धींमुळे ध्वनीमुद्रणातील उच्चारणामध्ये काही चुका झालेल्या आहे. या चुका प.प. श्रीमद् स्वामींच्याच टीकेच्या आधारे कळल्यामुळे त्या ऐवजी योग्य उच्चारण खालीलप्रमाणे देत आहोत. सर्व गुरुबंधू व भगिनींनी ध्वनिमुद्रणामध्ये असलेल्या खालील सुधारणांची नोंद घ्यावी ही नम्र विनंती विविधभेदपरं सम दृश्यते त्रिविधवेदपरं कमदृश्य ते।। पदमिदं सदु चिद्घनमुद्धियासदनिदं प्रजहात्यघनुद्धिया ।।७।। अजनमोहनमोह नमो ह नः प्रिय नियोजय तेन यतेन ते ।। य इह वेदनिवेदनि वेद वेत्त्यजपदं जपदंतपदं पदम् ।।८।। - वासुदेव संगीत सभा वासुदेव दत्त!!! भारतवर्ष - युगानुयुगांच्या चिंतन, मनन व अंतरंग साधनेने 'आत्मधन' गवसलेल्या श्रीमंतांचा, ऋषी - मुनी - साधक - सिद्धांचा हा देश. हे 'आत्मधन' जाणून - समजून, ते जाणू व समजू इच्छिणाऱ्या साऱ्यांच्याच साठी प्रशस्त केलेला - साक्षात् धर्माने धारण केलेला व परमसत्य हेच ज्याचे अधिष्ठान आहे असा - 'परमसाधनाचा मार्ग' श्रीवेदांनी ज्ञान - भक्ती - कर्म - उपासनेच्या निमित्ताने या मार्गाचे केलेले प्रकाशन - त्यायोगे परमात्मतत्वाचा झालेला रोकडा साक्षात्कार - हाच वैदिक जीवन व चिंतनाचा मूलाधार. युगानूयुगे सर्व विकल्पांवर विजय प्राप्त करून परंपरेने प्रवाहित ठेवलेली ही चिंतनगंगा - तृषार्त साधकांप्रति कळवळयाने - भगवान श्रीमद् वासुदेवांनी स्वतःच्या शिवजटांमध्ये धारण करून साक्षात् अवतरित केली - 'वेदनिवेदनि'च्या निमित्ताने. वेदनिवेदनि - साक्षात् 'पौरुषेय वेद' म्हणजेच प.प. श्रीमद् वासुदेवानंद सरस्वती स्वामीमहाराज यांची ही रचना. भगवान आद्यगुरु श्रीदत्तात्रेयांचे द्वितीय अवतार - भगवान प.प. श्रीमद् नृसिंह सरस्वती स्वामीमहाराजांची स्तुती व त्यानिमित्ताने भगवान दत्तात्रेयांचे निरतिशय, अनिर्वचनीय वेदप्रतिपाद्य व ध्यानगम्य रूपाचे दर्शन - हा या स्तोत्ररचनेचा मुख्य प्रतिपाद्य विषय होय. निष्कामकर्मानुष्ठानाच्या निमित्ताने झालेली चित्तशुद्धी - संत व साक्षात्कारी सद्गुरुंच्या कृपेने लाभलेल्या पराभक्तीच्या ज्योतीने - वासना व क्लेशरुपी अंधःकाराचा नाश व त्यानिमित्ताने नित्य - शुद्ध - बुद्ध - मुक्त व सर्ववेदवेदांतप्रतिपाद्य अश्या आत्मस्वरूपाचे म्हणजेच परमजाणीवेस ओलांडून स्थित असणाऱ्या दत्तस्वरूपाचे झालेले ज्ञान व त्या ज्ञानाच्या निमित्ताने अविद्येचे बंध गळून मुक्त झालेला साधक. कर्म - उपासना - भक्ती - ज्ञान - योगाच्या निमित्ताने पूर्णत्वास नेणारा हा परमजाणिवेकडचा प्रवास - जाणून - अत्युच्च जाणीवेकडे मार्गस्थ झालेलो आपण सारे - हीच या स्तोत्राची फलश्रुती होय. 'अवधूत चिंतन श्रीगुरुदेव दत्त' वासुदेव संगीत सभा , वेद वासुदेव प्रतिष्ठान, पुणे
|श्रीनृसिंहसरस्वतीस्तोत्रम् | वेदनिवेदनि स्तोत्रम् |प.प. वासुदेवानंदसरस्वती स्वामीमहाराज विरचित
#vasudevsangeetsabha #stotram #dattaguru #dattatreya #gurumaharaj वासुदेव संगीत सभा,,वेद वासुदेव प्रतिष्ठान, पुणे
स्तोत्र श्रीदत्तगुरुपञ्चकम् | ShriDattaGuruPanchkum Stotra | प. प.थोरले स्वामी महाराज रचित
#vasudevsangeetsabha #shrirambhajan #dattatreya #gurudatta #dattagurumaharaj #shreeram वासुदेव दत्त! भारतवर्षियांच्या आत्मशक्तीचे अधिष्ठान असणारा राम - आदिकवी वाल्मिकी, गोस्वामी तुलसीदास, समर्थ रामदासस्वामी आणि अश्या अगणित संत, आचार्य आणि साक्षात्कारी विभूतीमत्वांचे 'आश्रयस्थान'. कोदंडधारी, एकवचनी, एकपत्नीव्रत धारण करणारा, शरण आलेल्याला अभय देणारा, निर्भय करणारा - रानावनातील वस्त्यांमधल्या लोकांपासून ते महाबलाढ्य धनाढ्य राजा - महाराजांना ही 'आपलासा' वाटणारा हा 'मर्यादापुरुषोत्तम श्रीराम'. ही रचना - प.प. श्रीमद् वासुदेवानंद सरस्वती स्वामी महाराजांची. सत्तेपायी मदोन्मत्त झालेल्या परकीयांच्या दास्यत्वाचा हा काळ. देश पारतंत्र्यात - राष्ट्राची होत असलेली अपरिमित हानी - दुबळ्या अंतःकरणाने मारलेली, देवांपर्यंत 'न पोहचलेली' हाक - अगतिक आणि आत्मविस्मृत समाज. अश्या वेळी स्वतःच्या संस्कृती व परंपरेबद्दल सांगितल्या जाणारे तथाकथित 'मागासलेपण' हेच वास्तव समजून आत्मबलहीनतेलाच 'दैव' समजून मूकपणाने स्वतःचाच -ह्यास बघत बसलेली भगवान श्रीरामचंद्रांची ही प्रजा. या दृश्याने - आसेतुहिमाचल भारतभ्रमण करणाऱ्या आद्यगुरू भगवान श्रीदत्तात्रेयांच्या या 'स्थितप्रज्ञ' ज्ञानविग्रहाचे अंतःकरण 'हेलावले' - आणि पुन्हा एकदा प्रभु श्रीरामचंद्रांच्या या ज्ञानवंशीयांना जागे करण्यासाठी - 'श्रीमद् राष्ट्रधर्म महायाग' चेतविण्यासाठी श्रीमद् स्वामींच्या श्रीमुखातून दिव्य संजीवनीरुपी शब्द निःसृत झाले - 'रामममाश्रय भद्रदम्'. हे सांगणे - रामाला शरण जाणे - त्याच्या आश्रयाला जाणे - अनुसंधानाच्या निमित्ताने त्याचे 'गुण' अंगिकारणे. अकल्पनीय विघ्ने येऊनसुद्धा त्रस्त न होता - समोर ठाकलेली प्रतिकूल परिस्थितीही स्वपराक्रमाच्या निमित्ताने 'अनुकूल' करणाऱ्या श्रीरामचंद्रांच्या ज्ञानवंशीयांना केलेले हे संबोधन - अमर्याद व्याप्तीचा व एका स्वतंत्र चिंतनाचा विषय होय. 'भवेत्कुदैवमभद्रदम् (कुतः)?' - त्याला शरण जाऊन, त्याच्या गुणांना अंगिकारून जगण्याचा व अन्यायाच्या विरोधात लढण्याचा निश्चय अंगी बाणविल्यावर मोठ्यातले - मोठे अकल्याण करणारे साक्षात् दैव जरी उभे ठाकले तरी काय करु शकेल? हा प्रश्न. ज्याच्या चरणधुलीच्या निमित्ताने गौतमपत्नी अहिल्या शापमुक्त होऊन समाजात मान्यता पावली - ज्याला शरण आलेला बिभीषण लंकाधिपती झाला अश्या सर्वोत्तमाचे - श्रीरामाचे ध्यान करणाऱ्यास भय कसले? जड निर्जीव अश्या शिळा ही ज्याच्या नावाच्या आधारे सागर तरून गेले - तर आपल्यासारखे जिवंत हाडांमासाचे जीव हा भवसागर का तरून जाणार नाहीत? (निश्चितच जातील). साऱ्या देवांचे दैन्य - दुःख हरण करणारा, कल्याणकारी श्रीशिव सुद्धा ज्याचे मुक्तीधाम असलेले नाम अत्यंत श्रद्धेने रात्रंदिन जपतो आणि प्रत्यक्ष वासुदेवसरस्वती ज्या सर्व मनोरथ पूर्ण करणाऱ्या रामाचे नित्य गुण गातात त्या सज्जनांचे आश्रयस्थान असणाऱ्या आणि शरणागती पत्करलेल्याला त्वरितच शाश्वत स्थान प्रदान करणाऱ्या श्रीरामाच्या आश्रयाला जा - अश्या आशयाचे हे पद. या पदाच्या निमित्ताने भारतीय समाजमनातील आत्मशक्तीरूप स्फुल्लिंग चेतले - लोकांच्या मनातील 'देव - देश - धर्मा'चा असलेला अभिमान जागा झाला आणि साऱ्याच लौकिक - अलौकिक बंधनांना भेदून हा समाज पुन्हा एकदा आत्मग्लानीतुन आत्मगौरवाकडे अत्यंत जाणीवपूर्वक वाटचाल करु लागला. आपली मूळं शोधू लागला त्यामध्ये आपले पाय घट्ट रुजवु लागला. श्रीमद् स्वामींची ही पदसंजीवनी मूर्च्छित झालेल्या भारतवर्षाला जागं करून गेली - विचार व विवेकाची बैठक देऊन समृद्ध करुन गेली. अवधूत चिंतन श्रीगुरुदेव दत्त!! जय जय रघुवीर समर्थ!! वासुदेव संगीत सभा , वेद वासुदेव प्रतिष्ठान, पुणे
श्रीरामस्तुति |ShreeRam Stuti | Shri Ram Stuti with Lyrics.|प.प.श्रीवासुदेवानंदसरस्वती महाराज विरचित
वेद वासुदेव प्रतिष्ठान अंतर्गत वासुदेव संगीत सभा आयोजित "राष्ट्ररथ - विजयगान" दिनांक - २८ ऑक्टोबर २०२३ वेळ - संध्याकाळी ५ ते रात्री ८ पत्ता - रामकृष्ण मोरे नाट्यगृह, चिंचवड गायकवृंद -वासुदेव संगीत सभेचे साधक "सर्वाना आग्रहाचे विशेष आमंत्रण " सर्वांना आग्रहाची हाक राष्ट्र धर्मासाठी, धर्म जगरणासाठी🙏🏻 वासुदेव संगीत सभा, वेद वासुदेव प्रतिष्ठान, पुणे
राष्ट्ररथ - विजयगान | वासुदेव संगीत सभा आयोजित | सर्वांनाआग्रहाचे विशेष आमंत्रण
#vasudevsangeetsabha #dattaguru #dattagurumaharaj #dattatreya #gurudatta #gurudattatreya संकल्पना आणि मार्गदर्शन.- श्री. अजित कृष्ण तुकदेव. संगीतकार - कै .श्री.आ.मत्ते गुरूजी. वरोरा. गायन - सौ.कल्याणी कुळकर्णी आमलेकर,सौ . रसिका सुमुख बावडेकर आमलेकर. संगीतकार - श्री. विकास मोने. तबला - कै.श्री.श्रीपाद पाटील. वरोरा. हार्मोनियम - श्री. माधवी आमलेकर. व्हायोलीन - श्री.केदार गुळवणी. ध्वनिमुद्रण - श्री. विकास मोने , कोल्हापूर. वासुदेव संगीत सभा, वेद वासुदेव प्रतिष्ठान, पुणे वासुदेव दत्त…! स्मरा गुरुदत्त..... प.प. श्रीमद् वासुदेवानंद सरस्वती स्वामी महाराजांची ही रचना. हे पद - संसार हेच सत्य समजून निरर्थक खटपट करणाऱ्यांना - संसाराच्या दुःखाग्निने पोळून त्यातून सुटण्याचा मार्ग काय? असा प्रश्न घेऊन उभा ठाकलेल्यांना - साऱ्यांनाच श्रीमद् स्वामींचे अत्यंत पोटतिडकीने सांगणे होय. . कलियुग - भ्रष्ट झालेला आचारवंतांचे - अनास्थेने जखडलेल्या समाजाचे - स्वतःलाच श्रेष्ठ सिद्ध करण्याचा चढाओढीत दोलायमान होत असलेली राष्ट्रजीवने - दुबळ्या अंतःकरणाने जगणारे लोक - निष्ठेच्या अभावी कलुषित झालेली व्यष्टीजीवने - भ्रम, ढोंगरुपी ढगांनी आच्छादिलेला धर्मसूर्य - आणि या साऱ्यानेच भयाक्रांत झालेले लोक. निघायचे आहे पण वाट नाही, स्वतःच्याच दुबळेपणाला पराभूत अंतःकरणाने ओलांडता न आल्यामुळे दैन्य व दारिद्र्याने ग्रस्त झालेला - भौतिक उन्नतीलाच सर्वांगीण उन्नती समजणारा समाज. हे दृश्य - या दत्तविग्रहाने - आसेतुहिमाचल भ्रमंतीच्या निमित्ताने पाहिले - प्रत्यक्ष अनुभवले. या अनुभवण्याचा निमित्ताने घडलेले चिंतन व त्यानिमित्ताने श्रीदत्तपदांचा आधार घेत प्रत्यक्ष तुमच्या - माझ्याशी या महापुरुषाने साधलेला हा संवाद. हे सांगणे - जाणीवपूर्वक गुरुस्मरणाने - दत्तस्मरणाने सर्व क्लेशांचे निरसन होते - जीवनाचे वहन करण्याचे सामर्थ्य प्राप्त होते - अश्या प्रत्यक्ष वेदांच्या निश्चयी विधानाचे 'वासुदेवाने' केलेले पुनरुच्चरण!! कलियुगात अखंड जागे राहून - भक्तांचे रक्षण करणाऱ्या, त्रिविधतापांचे व पापांचे हरण करणाऱ्या प्रत्यक्ष परब्रह्मरूप असलेल्या श्रीदत्तांच्या स्मरणाने सर्व इह - पर साधून, उन्मत्तपणा त्यागून, सारासारविवेकाच्या निमित्ताने जीवन सार्थकी नेण्याचा उपदेश... हे सांगणे सारेच काही सांगून गेले......सर्व आधिभौतिक व आधिदैविकाचे अतिक्रमण करून साधकाला आध्यात्मिक साम्राज्याची प्राप्ती करवून देणारे ठरले... या, हे सांगणे ऐकूया, चिंतनाच्या निमित्ताने रिझवुया...प्रत्यक्ष आचरणाच्या निमित्ताने दत्तपदी स्थिर होऊया....!! अवधूत चिंतन श्रीगुरुदेव दत्त!!
स्मरा गुरूदत्त गुरुदत्त | Smara Gurudatta | प.प. वासुदेवानंदसरस्वती स्वामी महाराज विरचित पद
#vasudevsangeetsabha #dattaguru #dattatreya #dattagurumaharaj वासुदेव दत्त! प.प. श्रीमद् वासुदेवानंद सरस्वती स्वामी महाराज यांची भगवान श्रीदत्तात्रेयांचरणी अतीव आर्त अशी ही रचना. हे पद - गुरुपदांशी साधलेली अनन्य अशी हितगुज - आप्त, स्वकीय, बंधु, सखा अश्या सर्वच भुमिकेतून गुरुदेवांना पाहणाऱ्या व सर्वकाही गुरुदेवच आहेत हे जाणणाऱ्या व त्या जाणिवेतून प्रत्यक्ष अनुसंधनाच्या निमित्ताने गुरुस्वरूप होऊ पाहणाऱ्या साधकाची मनोदशा. भवसागराच्या कचाट्यात सापडून, माया, कल्पना, वासना या साऱ्यांनी ज्याचे अंग पोळून उठले असा - पदोपदी केवळ अधोगतीच दिसत असल्यामुळे भयाने वेढून गेलेला साधक - अज्ञानाचे हे पाश ज्यांच्या मात्र कृपाकटाक्षाने गळून पडतील अश्या गुरुदेवांचा अगतिक होऊन धावा करतो - स्मर्तृगामी असे लौकिक असणाऱ्या गुरुदेवांची अविलंब कृपा व्हावी अशी कामना करतो व अतीव आर्त अंतःकरणाने गुरुपदांना आळवतो व तरीही गुरुकृपेचे आश्वासन त्याला प्राप्त होत नाही - त्यावेळी त्या साधकाची अंतः करण हेलावून टाकणारी स्थिती पाहून अतीव कारुण्याने प.प. श्रीमद् वासुदेवानंद सरस्वती स्वामी महाराज यांनी अखंड चराचर व्यापून उरलेल्या अक्षर गुरुतत्त्वाच्या सगुण - प्रकट रुप असलेल्या भगवान श्रीदत्तात्रेयांना घातलेली साद व त्यानिमित्ताने घडून आलेला हा अद्वितीय असा संवाद. ज्याच्या केवळ संकल्पाने ही समग्र सृष्टी उत्पन्न झाली, अनादिकाळापासून भूत - वर्तमान - भविष्य या तीनही काळात जो या सृष्टीचा पुत्रवत् वात्सल्याने सांभाळ करता झाला - अनन्य भावाने शरण येणाऱ्या लोकांना सद्वांच्छित फळ प्रदान करता झाला व सकळ ऐश्वर्य ज्याच्या पायी लोळते अश्या तुझ्यासारखा - तुझ्याशिवाय तीनही लोकांनी वंदिलेला आश्रयदाता नाही. सारे विश्व भयाने वेढले असता आईप्रमाणे त्याला स्वतःच्या कुशीत घेऊन अभयप्रदान करणारा तु आज या वासुदेवाचा अंत का पाहतोस? अश्या केविलवाण्या स्वरात प.प. श्रीमद् स्वामींनी दत्तप्रभूंना विचारलेला हा प्रश्न. या पदाच्या निमित्ताने 'गुरुकृपेची गंगा' या 'दत्तभगिरथाने' तुमच्या माझ्या जीवनात उतरवली - तिच्या स्नानाने - पानाने - या पदाच्या श्रवण मनन व अनुसंधानाने गुरुपदी स्थिर होऊया. वासुदेवदत्तपदे दृढ धरुया!! वासुदेव संगीत सभा, वेद वासुदेव प्रतिष्ठान, पुणे
कोण या जगाचा | Kon Ya Jagacha | प.प. श्रीमद् वासुदेवानंदसरस्वती स्वामी महाराज विरचित
वासुदेव संगीत सभा,'श्री वेद वासुदेव प्रतिष्ठान, पुणे
"पावना दत्ता" गजर
#vasudevsangeetsabha #aarti #आरतीसंग्रह #आरती #gurudev #dattatreya #dattaguru #dattagurumaharaj गायन -सौ. रसिका बावडेकर. -सौ. कल्याणी कुळकर्णी. रेकॉर्डिंग व सह गायन - श्री. अजिंक्य श्रौती.GLR Bliss Sound , Pune. संगीत संयोजन व मिक्सिंग- श्री.श्रीकांत पिसे. तबला - डॉ.श्री.देवेंद्र यादव. सतार - श्री. अवनिंद्र शिवलीकर. बासरी - श्री. अरविंद उपाध्ये. ध्वनिमुद्रण- श्री. नहुष बडगे. Soundz Best Studio , नागपूर. वासुदेव संगीत सभा, वेद वासुदेव प्रतिष्ठान, पुणे
प. प. वासुदेवानंदसरस्वती स्वामी महाराजांची आरती | Vasudevanand Saraswati Tembe Swami Maharaj AARTI
#vasudevsangeetsabha #shriram #maruti #hanuman #hanumanji संगीत संयोजन - श्री. राहुल कुलकर्णी. संगीत आणि गायन - सौ वसुधा भालेराव वैद्य. सहगायक वृंद - चि. परीक्षित बावडेकर. चि. नारायणी पात्रीकर. चि. अद्वैत भालेराव रेकॉर्डिंग आणि एडिटिंग - अभिलाष राजर्षी , स्वप्निल शिंदे. स्टुडिओ सर्वोदय - स्वरोदय.चिंचवड पुणे. साउंड मिक्सिंग ,आणि मास्टरिंग. - श्री. श्रीकांत पिसे. कोरस रेकॉर्डिंग -नहुष स्टुडिओ- श्री नहोश बडगे,साऊंड बेस्ट स्टुडिओ, शिवाजीनगर नागपूर. वासुदेव दत्त…! अंजनीचा सुत मारुतपोत.... प.प. श्रीमद् वासुदेवानंद सरस्वती स्वामीमहाराज यांनी केलेले हे भजन - चित्तशोधनाच्या निमित्ताने निर्माण झालेल्या दुर्जयी अश्या अंतर्वैरींच्या भंजनासाठी - त्यांच्याद्वारे गांजलेल्या साधकाच्या साधकत्वाच्या रक्षणासाठी - हे गुणगायन - खळप्रवृत्तीच्या उच्छेदनासाठी. जो माता अंजनीचा बालक - प्रत्यक्ष वायूपुत्र - महाबळवंत व बुद्धिमानांमध्ये वरिष्ठ असुनही स्वतःला रामदूत म्हणवून घेण्यात धन्य मानतो व ज्याच्या स्मरणाने अंतर्बाह्य अश्या सर्व नकारात्मक भूमिका ध्वस्त होतात व संकटांचे निरसन होते व जो स्वभजकावर प्रसन्न होऊन त्याला बळ व बुद्धीचे वरदान देतो तो मारुतीराया आता माझ्या सर्व इच्छा पूर्ण करो ही या पदाच्या निमित्ताने केलेली प्रार्थना. वासुदेव संगीत सभा, वेद वासुदेव प्रतिष्ठान, पुणे
पद - मारूतीचे,प. प. श्रीमद वासुदेवानंदसरस्वती स्वामी महाराज विरचित | song Maruti | Hanuman
#vasudevsangeetsabha #shriram प. प. श्रीमद वासुदेवानंदसरस्वती स्वामी महाराज विरचित श्रीराम स्तुती, श्रीराम नवमीच्या पावन पर्वावर श्रीक्षेत्र बिठूर म्हणजेच ब्रह्मावर्त येथील श्री रामरायांच्या चरणी ही सेवा अर्पण. गायिका :कल्याणी कुलकर्णी वासुदेव संगीत सभा, वेद वासुदेव प्रतिष्ठान, पुणे
प्रभू श्रीराम स्तुती | Prabhu Shriram Stuti | प. प. श्रीमद वासुदेवानंदसरस्वती स्वामी महाराज विरचित
#vasudevsangeetsabha #dattatreya #dattaguru #dattashraya #gurumaharaj #bhaktisong मार्गदर्शन - श्री.अजित कृष्ण तुकदेव. रेकॉर्डिंग -स्वप्नील शिंदे. एडिटिंग ,मिक्सिंग आणि मास्टरींग .- अभिलाष राजर्षी. स्टुडिओ - स्वरोदय. संगीत आणि गायन -सौ वसुधा वैद्य भालेराव. तबला वादक -श्री ऋषिकेश सुरवसे. बासरी - श्री .मोहीत पुराणकर. संवादिनी - श्री. विजय धुमाळ. संगीत संयोजन.- राहुल कुलकर्णी. "वासुदेव दत्त" प.प. श्रीमद् वासुदेवानंद सरस्वती स्वामी महाराज - अतिशय उत्कट व तपोपूत जीवन ज्यांच्या श्वासाश्वासातून प्रकट झाले - आर्ष पदांच्या निमित्ताने अभिव्यक्त झाले व साऱ्या चराचरास त्या दिव्य सौरभाने वेष्टित पूर्णत्वाकडे नेण्यास सिद्ध झाले. "तू मी भिन्न न मानिसी तरी एकी न का करिसी" तू मी अशी भिन्नत्वाची भावना ज्यांच्या ठायी लेशमात्र ही नाही अश्या गुरुदेवांचे म्हणजेच भगवान श्री दत्तात्रेयांचे भजन करीत असता - अनुसंधानाच्या निमित्ताने स्मरण करीत असता आपल्या अंतर्स्थितीत मात्र भेदज्ञानामुळे तीळमात्रसुद्धा बदल घडत नाही ही खंत व त्यानिमित्ताने निर्माण झालेला खेद. हा खेद - सामर्थ्य असूनही मनाच्या हतबलतेमुळे पूर्णत्वाला पोहोचु न शकण्याच्या असमर्थतेची जाणीव. अंतरंगात निर्माण झालेला कोलाहल व असहाय्यता. अंतरात निर्माण झालेला हा गोंधळ जे समजु शकतील व त्यातून मुक्त करून हृदयामध्ये अभिन्नत्व निर्माण करू शकतील अश्या गुरुदेवांचा म्हणजेच श्रीदत्तप्रभूंचा प.प.श्रीमद् स्वामींनी केलेला हा आर्त असा धावा होय. या पदाच्या निमित्ताने घडलेला हा गुरु - शिष्य संवाद म्हणजे साऱ्या विश्वाला ज्ञान - भक्ती - कर्म - योगाचे सांगितलेले मर्मच होय. समस्त उपनिषदांनी गुरु - शिष्य संवादाच्या माध्यमातून युगायुगांपासून जे तत्व प्रतिपादित केले त्या सर्व चिंतनाचे सार म्हणजे हा वासुदेव दत्ताचा सिद्ध असा संवाद होय. तुझे - माझेपणाची ही भावना जोवर असेल तोवर मी तुला जाणू शकणार नाही, म्हणून हे भगवंता मला आपले स्वरूप जाणता यावे यासाठी हे भिन्नत्व भंग करून आपल्या अंतरंगात मला शिरता यावे म्हणून आपण हे अभिन्नत्वाचे दान माझ्या पदरात तात्काळ टाका ही केलेली मागणी. जीवशिवाच्या अद्वैतस्थितीच्या निमित्ताने जीवाने शिव होऊन रहावे तैसे 'वासुदेवाने दत्त होऊनि दत्तास भजावे' अश्या स्वरूपाच्या ज्ञानोत्तर भक्तीचे वर्णन करणाऱ्या व ती भक्तीची याचना करणाऱ्या या पदाच्या निमित्ताने गुरुपदांशी अनुसंधान साधले असता साधकाच्या मनातील भिन्नत्व भंग होऊन आत्मस्थितीचा उदय होईल हे साक्षात् सिद्ध वचन आहे. "अवधूत चिंतन श्री गुरुदेव दत्त" वासुदेव संगीत सभा, वेद वासुदेव प्रतिष्ठान, पुणे
तू मी भिन्न न मानिसी,श्रीमद प. प. वासुदेवानंदसरस्वती महाराज विरचित पद,vasudev sangeet sabha
🌸🌸🌸🌸🌸 महावस्त्र अर्पण सोहळा - गंगा दशहरा २०२२ श्री क्षेत्र ब्रम्हावर्त (बिठूर)... पौराणिक ,ऐतिहासिक, अध्यात्मिक , अनेक साधकांची व सिद्धांची अधिष्ठात्री भूमी...... प. प.श्रीमद् वासुदेवानंद सरस्वती स्वामी महाराजांची राजधानी..... दत्त संप्रदायातील वेदमंत्र अशा *दिगंबरा दिगंबरा श्रीपाद वल्लभ दिगंबरा* या जपाची जन्मभूमी...... थोरल्या स्वामी महाराजांचे चार चातुर्मास येथे गंगातिरी अंताजी पंतांच्या घाटावर झाले. महर्षी व्यासांनी अठरा पुराणांची रचना केली, त्यानंतर एकमेव पुरणाची रचना झाली ..*श्रीमद् दत्तपुराण* .. थोरल्या स्वामी महाराजांनी ही रचना याच स्थानी केली..... महाराजांच्या वास्तव्याने पुनित झालेल्या या स्थानाचा... त्यांच्या *कुटीचा* जीर्णोद्धार वेद वासुदेव प्रतिष्ठान (पुणे- महाराष्ट्र ) या संस्थेने अध्यक्ष श्री अजित कृष्ण तूकदेव यांच्या मार्गदर्शनाखाली पुर्ण केला आहे. या कुटीच्या परिसरात गंगा दशहराच्या पावन पर्वा वर शिवसायुज्या ,अमृत तरंगा अशा गंगामाईच्या विग्रहाची स्थापना करण्यात आली . भव्य दिव्य *गंगा दशहरा महोत्सव* दि.31 मे ते 9 जून या कालावधीत साजरा करण्यात आला. या दरम्यान दि. आठ जून -- ज्येष्ठ शुद्ध अष्टमी ला गंगामाई ला थोरल्या स्वामी महाराजांच्या वतीने कृज्ञतापूर्वक महावस्त्र अर्पण करण्यात आले. *हर हर गंगे- जय हर गंगे- नमामि गंगे* या नामघोषात स्वामी महाराजांच्या कुटीपासून गंगा माईच्या दुसऱ्या तिरापर्यंत २५०० मीटर चे महावस्त्र पंचावन्न नावांच्या साहाय्याने गंगामाईला अर्पण केले....हा कार्यक्रम आपण ड्रोन द्वारे टिपला आहे. ब्रम्हावर्त येथे पेशवे काळापासून मोठ्या प्रमाणावर साजरा होणाऱ्या गंगा दशहरा महोत्सवाचे मागील काही वर्षांतील हे मोठे आयोजन अतिशय मन:पूर्वक व भक्तियुक्त अंत:करणाने केले गेले . वेद वासुदेव प्रतिष्ठान च्या निमित्ताने महोत्सव पुनर्जीवित झाला... ज्याचे वर्णन केवळ शब्दातीत आहे... भाग्यानेच अशा क्षणांचे साक्षीदार होता आले... 🙏🙏 #dattaguru #dattatraya #vasudevsangeetsabha #वासुदेवसंगीतसभा #ganga #gangamata #gangariver #celebration #saveganga #cleanganga #गंगा #गंगाआरती #गंगा_नदी
महावस्त्र अर्पण सोहोळा गंगा दशहरा २०२२

Connect with Us

    Facebook Youtube Whatsapp

    Corporate and Registered Office

    A-7, Shreepuja, Gujarat Colony, Plot No: 1,
    Paud Road, Kothrud,
    Pune : 411038.
    Email: vvppune@gmail.com

    Donations exempted u/s 80G of Income Tax Act 1961